Məşhur Məmmədov
millət vəkili

Bu gün Ermənilərin Tovuz rayonu istiqamətində 12-16 iyul tarixlərində törətdikləri hərbi təxribatlardan 40 gün ötür. Azərbaycan tərəfi düşmənin xain hücumuna cavab verərkən Ermənistanın yüzə yaxın canlı qüvvəsini, çoxsaylı hərbi texnikasını məhv etdi. Düşmən bu dörd günlük savaşda qınına çəkilməyə məcbur edildi.
Azərbaycan tərəfdən bu döyüşlərdə 11 hərbçi şəhid, 1 mülki vətəndaş həlak oldu.
Bu təxribatlar törədilərkən Azərbaycan beynəlxalq aləmdə də Ermənistana sarsıdıcı zərbələr vurdu. Bu zərbələrin təsirindən düşmən hələ də özünə gələ bilməyib.
Bu gün 12 evdə torpaqlarımız uğrunda canından keçən qəhrəman övladlarımızın 40 mərasimi keçirilir. Onların arasında Masallı rayonundan şəhid mayor Anar Novruzov da var.
Mən deputat həmkarım Anar İsgəndərovla Tovuz rayonunun Ağdam kəndində düşmənə qarşı döyüşdə qəhrəmancasına şəhid olan mayor Anar Novruzovun Masallı rayonunda 40 mərasimində iştirak etdik. Əvvəlcə Rayon İH başçısı Şahin Məmmədov və rayonun aktivistləri ilə pandemiya qaydalarına riayət etməklə yaxınlarına baş sağlığı verdik, sonra isə Şəhidimizin məzarını ziyarət etdik. Allahdan şəhidimizə rəhmət, yaxınlarına səbr diləyirik.