Rusiya silahlı qüvvələrinin komandanlığı Ukraynaya qarşı silahlı təcavüzün başlamasından bəri yüksək rütbəli zabitlər arasından bir neçə hərbi rəhbərini itirib. capar.info[b][/b] teleqraf.com-a istinadla xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Baş Qərargahın məlumatında deyilir: “1-ci Tank Ordusunun komandanı general-leytenant Sergey Kisel vəzifəsindən uzaqlaşdırılıb.

6-cı Ümumqoşun Ordusunun komandanı general-leytenant Vladislav Yerşov vəzifəsindən uzaqlaşdırılaraq həbs edilib.

35-ci Ümumqoşun Ordusunun komandanının müavini, qərargah rəisi general-mayor Sergey Nirkov ağır yaralanıb.

36-cı Ümumqoşun Ordu komandanının müavini, qərargah rəisi general-mayor Andrey Seritski ağır yaralanıb.

41-ci Ümumqoşun Ordusu komandanının müavini general-leytenant Andrey Suxovetski öldürülüb.

49-cu Ümumqoşun Ordusunun komandanı general-leytenant Yakov Ryazantsev həlak olub”.