Müasir bir insanın rasionunda ən zərərli olanlar ultra işlənmiş qidalardır. Çoxsaylı araşdırmalar onların tez-tez istifadəsinin piylənməyə, sinir xəstəliklərinə və xərçəng də daxil olmaqla çoxsaylı xəstəliklərə səbəb olduğunu təsdiqləyib.

Capar.info -nın xarici mediaya istinadla məlumatına görə, dietoloq Tim Spektor deyir ki, bir çox insanlar bu cür məhsulların təhlükələri haqqında bilirlər, lakin insanların çoxu bu kateqoriyaya nə qədər müasir məhsulların aid olduğunu başa düşmür, bunun yalnız qəlyanaltılar, kolbasa və rahat qidalardan getdiyinə inanır. Amma smuzi (süd və ya bal əlavə edilmiş, blenderdə çalınmış, meyvə və ya qiləmeyvədən hazırlanmış qatı və sərinləşdirici içkidir-red.), uşaq yoqurtları və mağazadan alınmış sendviçlər də ultra emal olunmuş kimi təsnif edilir.

Başqa bir səhv, həddindən artıq işlənmiş qidaların yalnız çox miqdarda yağ, duz və şəkər olduğuna görə zərərli olduğunu düşünməkdir. Təəssüf ki, bu zərərli, lakin məqbul inqrediyentlərə əlavə olaraq, ultra emal edilmiş qidalarda xəstəliklərin inkişafına səbəb olan bir çox qeyri-təbii maddələr var.

Həkimlər deyirlər ki, bu qidalardan istifadə sağlamlıq risklərinə görə ömrünüzü 10-15 il qısalda bilər.

Həkim Tim xəbərdarlıq edir ki, bu cür qidalar gündəlik qəbul etdiyiniz kalori miqdarını çox yeməyə vadar edəcək, bundan sonra daha çox yemək istəyəcəksiniz.
Ultra işlənmiş qidalara kolbasa, sosiska, konservləşdirilmiş qidalar, çipslər, duzlu qəlyanaltılar və krakerlər, kartof qızartması, dondurulmuş pizza və digər hazır yeməklər, çoxlu pendirlər və emal olunmuş ətlər daxildir.