capar.info : - Paşinyanın müdafiə naziri və komandası ilə geniş, gərgin və əsəbi müzakirələri olub. Bağlı qapılar arxasında gedən gərgin müzakirlər zamanı Paşinyanın yüksək səslə, əsəbi danışması hətta patlament dəhlizində aydın eşidilib.

“Dünən (dekabrın3-də) axşam saatlarında Nikol Paşinyan müdafiə naziri Suren Papikyanla parlamentdə olub. “Vətəndaş Müqaviləsi” fraksiyasının deputatları ilə kifayət qədər gərgin, əsəbi müzakirələr aparıb. Müzakirə axşam saatlarına qədər davam edib”.

“Ölkə.Az” “hraparak”a istinadən xəbər verir ki, bu barədə qəzetə açıqlama verən mənbə görüşün təfərrüatları, baş nazirin niyə qışqırdığını, əsəb gərginliyi ilə bağlı məsələlərə aydınlıq gətirərək deyib ki, "Nə edək? Sual ölkənin gələcəyidir, əsəbi olmayaq?"

“Düşünmək olar ki, biz ölkəni bu vəziyyətə gətirmişik. Baş nazir müavinlərinin Moskvada keçirilən görüşündə Azərbaycanı Naxçıvanla Sünik vasitəsilə birləşdirən Zəngəzur dəhlizi məsələsi yenidən gündəmə gəlib. Müzakirəni yarımçıq kəsən Mqer Qriqoryan təşviş içində İrəvana qayıdaraq vəziyyət barədə Nikol Paşinyana məlumat verib. O da nə edəcəyini qərarlaşdırmaq, komanda ilə məsləhətləşmək üçün parlamentdə təcili toplantı keçirib”- “hraparak” yazır.

Mətbu orqanı daha sonra yazır: “Nikol Paşinyan parlamentdə Mqer Qriqoryanın Rusiyaya səfərinin nəticələrini təqdim edib. Ümidsizlik və əsəbi halda Azərbaycan tərəfinin Zəngəzur dəhlizində, həmçinin demarkasiya və delimitasiya məsələsində 1975-ci ilin xəritəsi üzərində işinin aparılmasında israrlı olduğunu deyib. Ona görə də baş nazir müavinlərinin görüşü yarımçıq qalıb”.

“Hraparak”ın yazdğına görə, məsələnin güc yolu ilə həlli məsələsininin də parlamentdə müzakirə olunduğunu deyən mənbə bildirib ki, Paşinyan bun əleyhinə çıxıb.

“Paşinyan ordudakı vəziyyətə toxunaraq komanda yoldaşlarını inandırmağa çalışıb ki, hazırda problemlərin güc yolu ilə həlli barədə düşünmək real deyil. O bildirib ki, yeni təyin olunmuş nazir Suren Papikyan ona həftədə bir neçə dəfə məruzə edərək deyib ki, hərbi hissə komandirləri və zabitləri cinayət işi üzrə dindirilməyə çağırıldığı bir şəraitdə ordu quruculuğu, ordu nizam-intizamı barədə düşünmək mümkün deyil. O, 44 günlük müharibədən sonra minlərlə cinayət işinin başlandığını və bu cinayət işlərində xeyli sayda hərbçinin adının keçdiyini, onların günlərlə dindirildiyini qeyd edib”- qəzet yazır.

Paşinyan Azərbaycan ordusunun Laçın istiqamətində İşxanasar dağından geri çəkilməsi ilə bağlı suallara aydınlıq gətirərək deyib ki, Azərbaycan ordusu geri çəkilməyib, sadəcə mövqe “rakirovkaları” edib.

Əsirlər məsələsinə gəldikdə Paşinyan deyib ki, Soçi görüşündə onların geri qaytarılması məsələsi müzakirə olunub və Rusiya prezidenti bunu dəstəkləyib, lakin əsirlərin hansı gün və vaxtda qaytarılması ilə bağlı dəqiq razılıq əldə olunmayıb. Yeri gəlmişkən, Paşinyan bildirib ki, Azərbaycan tərəfinin tələbi ilə demarkasiya və delimitasiya prosesi tez bir zamanda keçirilməlidir.