İjevskdəki 88 saylı məktəbdə atışma zamanı iki müəllim və beş uşaq olmaqla 9 nəfər həlak olub.

capar.info bildirir ki, bu barədə Lenta.ru-ya Rusiya İstintaq Komitəsi məlumat verilib.

Öldürülənlər arasında iki mühafizəçi də var. Hücum edən şəxs intihar edib. Yaralılar və ölənlər barədə məlumat hələ də dəqiqləşdirilir.
İjevsk məktəbində atışma nəticəsində 6 nəfər ölüb, daha 20 nəfər yaralanıb.

capar.info Lenta.ru-ya istinadla bildirir ki, bu barədə Rusiya Daxili İşlər Nazirliyinin mətbuat xidmətindən məlumat verilib.

Atəş açan şəxsin meyiti tapılıb. İlkin məlumata görə, o, intihar edib.

Udmurtiyanın İjevsk şəhərindəki 88 saylı məktəbdə atışma zamanı uşaqlar arasında ölən olub.

capar.info Rusiya mediasına istinadla bildirir ki, bu barədə respublikanın başçısı Aleksandr Breçalov “Telegram” kanalında məlumat verib.

Bu gün Udmurtiyada faciə baş verib. Naməlum şəxs məktəbə girərək mühafizəçini öldürüb. Uşaqlar arasında da ölən və yaralananlar var”, - deyən Breçalov hazırda təhsil müəssisəsinin şagird və müəllimlərinin təxliyyəsinin başa çatdığını vurğulayıb.

Bu gün səhər saatlarında İjevskdə 88 saylı məktəbdə qara geyimli naməlum şəxs atəş açıb. O, əvvəlcə girişdəki mühafizəçini güllələyib. Naməlum şəxs ən yaxın sinifə gedə bildikdən sonra uşaqlara atəş açmağa başlayıb.