İspaniya La Liqasında XXX turun mübarizəsi başlayıb.
Apasport.az saytının məlumatına görə, ilk gündə 3 görüş oynanılıb.
Turun mərkəzi qarşılaşması Sevilyada olub. Turnir cədvəlinin 3-cü pilləsində qərarlaşan və yerini itirmək təhlükəsi ilə üzləşən şəhərin eyniadlı komandası “Ramon Sançes Pisxuan”da lider “Barselona”nı qəbul edib. 90 dəqiqə ərzində rəqibin müqavimətini qıra bilməyən Kataloniya təmsilçisi çempionluq yolunda ciddi itki ilə üzləşib.
Avropa Liqasını hədəfləyən iki komandanın duelində “Vilyarreal” səfərdə “Qranada”ya erkən vurulan yeganə qol sayəsində qalib gəlib.
Təhlükəli zonada yer alan “Malyorka” ilə “Leqanes”in görüşündə isə komandalar hərəyə 1 xalı 1 topla əldə ediblər.

İspaniya La Liqası
XXX tur
19 iyun
“Qranada” – “Vilyarreal” - 0:1
Moreno, 11
“Malyorka” – “Leqanes” - 1:1
Sevilya, 9 - Oskar, 87
“Sevilya” – “Barselona” – 0:0