capar.info : - Ermənilərin öz vətənlərinə qaytarılması (repatrasiyası) ilə bağlı həyata keçirilən dövlət proqramı gözlənilən nəticələri vermədi.

“Ölkə.Az” erməni mediasına istinadən xəbər verir ki, bunu Ermənistanın baş naziri yanında diasporla iş üzrə baş komissarı Zara Sinanyan deyib.

Onun sözlərinə görə, dünyada yaşayan ermənilərin Ermənistana dönüşünü qeyri-mümkün edən ən əsas amil 44 günlük müharibədə aldığı ciddi psixoloji zərbədir. “Qarabağ müharibədən sonra bütün ermənilərdə milli təhlükəsizliyin pozulması hissi yaranıb”- o bildirib.

O əlavə edib ki, biz nəinki xaricdəki ermənilərin bura köçünün təşkilində, eyni zamanda burada köçüb yaşayan ermənilərin qalmasında ciddi problemlər yaşayırıq.

Sinanyan deyib ki, Ermənistanda olan Suriya ermənilərinin 60 %-dən çoxu buranı tərk edib, İraq ermənilərinin getməsi ilə bağlı göstəriciləri bundan daha yüksəkdir: “Odur ki, ermənilərin öz vətənlərinə qaytarılması baxımından gözlənilən nəticəni vermədi. Bu da uğursuz dövlət problemi ilə əlaqədardır. ABŞ-dakı erməni Nobel mükafatı laureatı ola bilər, Ermənistanda isə yox və yaxın gələcəkdə də olmayacaq” - Sinanyan əminliklə qeyd edib.

Diasporadakı erməni məktəblərinin vəziyyətinə gəlincə, Sinanyan bu sahədə də vəziyyəti çox pis olduğunu vurğulayıb: “Bir yerdə bir məktəb açılırsa, digər yerlərdə iki məktəb eyni anda bağlanır. Məsələn, 800 min erməninin yaşadığı Moskva vilayətində bir dənə də olsun erməni məktəbi yoxdur. Moskvada yalnız bir erməni məktəb var ki, orada erməni dili öyrənilir. Şərqdə diaspor ermənicə danışsa da, Rusiyada və Qərbdə vəziyyət daha pisdir” - Sinanyan bildirib.