capar.info : - “Burda bizim üçün təzə heç nə yoxdur. Bir jurnalist olaraq bunu çox gözəl bilirik. İndi bu Anar müəllimə də aydın oldu. Ancaq məmurların Anar müəllimin telefon zənginə cavab verməmələrinin görünür əlavə səbəbləri də var. Çünki onu sıradan olan jurnalistlərlə bu baxımdan müqayisə etmək olmaz”

Bunu Moderator.az-a açıqlamasında “Yeni Nəsil” Jurnalistlər Birliyinin sədri Arif Əliyev deyib. A.Əliyev deyib ki, bu həm də olduqca ciddi problemdir:

“Biz başa düşürük məmurlar jurnalistlərdən niyə qaçırlar, bu da informasiyadan qaçmaqdır. Anar müəllim də bunlara zəng vuranda informasiya üçün yox, konkret məsələlərin həllinə görə zəng vurur. Məmurlar isə bütün bunları çox yaxşı bilirlər.

Amma bütövlükdə problem çox ciddidir. Biz istər hansısa məsələnin həlliylə bağlı, istərsə də informasiya almaq baxımından çox böyük çətinliklərlə üzləşirik. Sözsüz ki, Anar Rzayev məmurlara öz bağında hansısa problemi həll etmək üçün zəng etmir. Bu gün biz qazilərimizin video müraciətini görürük. Amma göründüyü kimi o, sadəcə bu əlaqəni yarada bilmirsə, deməli hər hansı ciddi problemin həllinə də nail ola bilmir. Belə bir şəraitdə işləmək olduqca çətindir və bəzi hallarda ümumiyyətlə, qeyri-mümkündür”.

Qeyd edək ki, Xalq yazıçısı ötən gün Anar mətbuata açıqlaması zamanı səksən faiz məmurların qəbuluna düşə bilmədiyini deyi