capar.info: - "*9933 Salam Taksi"dən redaksiyamıza şikayət daxil olub.

Belə ki, müştəri Ənvər Mahmudov (şərti ad) şikayətində bunları qeyd edir:

"Şikayətim "*9933 Salam Taksi"dəndir. Bir müddət əvvəl taksi sifariş etdim, Milli Onkologiya Mərkəzindən Mərkəzi Qan Bankına və oradan geri. Operator sifarişi qəbul edib, 3,80 AZN ödəyəcəyimi dedi. Dəqiqləşdirmək üçün bir daha təkrar etdim ki, gediş və dönüş olacaq. "Qəbul etdik" dedilər. Taksi gəldi, ünvana çatdıq. Sürücü bir ağsaqqal kişi idi. 3.80 AZN ödəməyimi istədi. Dedim ki, sifarişdə gediş-dönüş olacağını qeyd etmişəm. Dedi: "Xeyr, mənə sifariş yalnız gediş üçün verilib". Bir az mübahisə etdik, operatora zəng etdim. "Sifarişı digər işçi qəbul edib, mənlik deyil" dedi. Nə isə... Əsəbləşdim, taksi sürücüsünə 20 AZN pul uzatdım ki, qalığı qaytarsın. Verdiyi pulu götürdüm, amma saymadım, Sürücü də sürüb getdi. Sonradan sayıb görürəm ki, mənə cəmi 13 AZN pul qaytarıb".

Qeyd edək ki, qarşı tərəfin mövqeyini dərc etməyə hazırıq.
Sonxeber.az