Məndə olan məlumata əsasən Qurban bəy Qobustan rayonunda bazar açıb, alveri də gözəl gedir, yaxşı varlanır. Qurban bəy İlham Əliyevin qismən səfərbərlik elan etməsindən sui-istifadə edərək çağırışçıların valideynlərindən birdəfəlik hərbi xidmətdən azad etmək üçün 3500 manat, əgər 2-ci qrup əlilliyi almaq istəyirsə, bir qədər baha, 6 ay möhlət almaq üçün isə 1000 manat miqdarında pul təyin edib.
Cənab İlham Əliyevin müharibəni qazandığı, işğalda olan torpaqlarımızı azad etdiyi, hər bir qarış torpaq uğrunda neçə şəhid verdiyimiz bir vaxtda dövlət məmuru prezidentə, xalqa kömək etməlidir. Qurban bəy bazasını genişləndirir. Məndə olan əsaslı məlumatlara görə müharibənin 20-ci günlərində çağırışçıları hərbidən 15 günlük yayındırmaq üçün, pandemiya diaqnozu qoyaraq 1000 manat pul müqabilində çağırışçının müharibəyə getməsinin qarşısını alıb. Onda belə çıxır ki, kimin pulu yoxdursa vətən, torpaq onundur. Axı Qobustan rayonu Azərbaycanın ayrılmaz hissəsidir. Buradakı məmurlar Prezidəntə, xalqa şərəflə xidmət etməlidir. Belə günlərdə cənab İlham Əliyevin dediyi kimi "biz birlikdə güclüyük". Onun o möhtəşəm yumruğunu silkələməsi ilə, Azərbaycan torpaqlarında gözü olan və xəyanət edənlərin başını əzir. Bunu bütün dünya bilir. Ona qalmış yerli məmurlar bilməyə. Qurban bəyin bu korrupsiya faktları dırnaq arası alveri məmur övladları arasında çoxluq təşkil edir. Mən özüm şəxsən bir neçəsini tanıyıram. 2-ci qrup əlilliyi var, bu da azmış kimi hətta onlara dövlət büdcəsindən pul ayrılır. Təqaüdün verilməsi üçün bu səlahiyyəti Qurban bəyə kim verib?.
Torpaq uğrunda neçə-neçə igid can verib, verir də. Bununla belə, məmurlar şıdırğı alver edir. Yəqin bu qısa vaxtda cənab Ali Baş Komandan xalqın milli qəhrəmanı Prezident İlham Əliyevin bu cinayətdən xəbəri olacaq. Azərbaycanın Baş prokuroru Kamran Əliyevə baş korrupsiya və dövlət təhlükəsizlik xidmətinə xüsusi tapşırıq veriləcək ki, Qurban bəyin şıdırğı alveri araşdırılsın. Mən inanıram ki araşdırılma zamanı məndə olan məlumatlardan da çox cinayətlər üzə çıxacaq. Cənab Prezidentin yumruğunun zərbəsini hamı görəcək. Biz birlikdə güclüyük!
Qarabağ Azərbaycandır!

İbrahim Qobustanlı
"Çapar.info" xəbər portalının şöbə müdiri