Rusiyadan Ermənistana "humanitar yardım" adı altında silah tədarükü davam edir.
Minval.az-a istinadən xəbər veririk ki, etibarlı mənbələrdən verilən məlumata görə, dünən Rusiyadan “humanitar yük” adı altında 300 "Kornet" Tank Əleyhinə İdarə olunan Raket (TƏİR) sistemi Ermənistana gətirilib.
Üstəlik, əldə olunan məlumatlara görə, silahlar oktyabrın 9-u günortadan sonra Ermənistan Xarici İşlər Nazirliyinə məxsus “A319” tipli 701 bord nömrəli təyyarə ilə Moskvadan gətirilib. Oktyabrın 10-da isə həmin təyyarə ilə Ermənistan xarici işlər naziri Zohrab Mnatsakanyan İrəvana qayıdıb.
Əldə edilmiş məlumatlara görə, yaxın gələcəkdə, Rusiyadan Ermənistana daha bir silah partiyasının - “Kornet” sistemi ilə yanaşı, “İqla” zenit-raket kompleksinin çatdırılması gözlənilir.
Xatırlatma: Ermənistan Dağlıq Qarabağdakı açıq hərbi məğlubiyyət fonunda, əsasən Rusiyadan əlavə silah tədarükü idxal etməyə çalışır. Ancaq həm Gürcüstan, həm də İran Ermənistana hərbi yüklərin ərazilərindən keçməsini qadağan edib. Məhz bu səbəbdən işğalçı ölkəyə silahlar Rusiyadan mülki təyyarələrdə, o cümlədən VIP uçuşlarla, habelə rəsmi məlumatlara görə, hətta “humanitar yardım” daşıyan təyyarələrdə çatdırılır.
Bu əməliyyatların təşkilatçıları Ermənistan müdafiə naziri David Tonoyan, sahibkar Samvel Karapetyan və silah qaçaqmalçı David Qalustyandır.
Diqqət yetirək: bütün bu təhlükəli və təxribatçı fəaliyyət Rusiya diplomatiyasının vasitəçi rolunu oynadığı və Moskvada Azərbaycan və Ermənistan xarici işlər nazirləri Ceyhun Bayramov və Zohrab Mnatsakanyan arasında rus həmkarları Sergey Lavrovun vasitəçiliyi ilə görüş təşkil etdiyi bir vaxtda həyata keçirilir.
Məlum olub ki, danışıqlardan sonra Moskvadan ayrılan Zohrab Mnatsakanyan 300 “Kornet” TƏİR sistemini təyyarəsinə yüklədib və İrəvana gətirib.
Bu cür fəaliyyətin Rusiyanın rəsmi qurumlarının xəbəri olmadan həyata keçiriləcəyinə inanmaq çox çətindir. Rusiyanın rəsmi orqanlarının humanitar yardım adı altında erməni mülki təyyarələrinin Ermənistana silah gətirdiyini bilmədiyini təsəvvür etmək daha çətindir. Hava limanında gömrük, sərhəd nəzarəti, hava təhlükəsizliyi xidməti var... Və bu qurumlar ICAO standartlarını və Çicaqo Konvensiyasını kobud şəkildə pozan bu cür əməliyyatlardan doğrudanmı xəbərsizdirlər?
Ən əsası isə, Rusiyanın tərəflər arasında vasitəçilik etməsi ilə bağlı suallar yaranır: Bu necə baş verir? Moskva bir tərəflə münaqişə tərəflərini barışdırmağa çalışır, digər tərəfdən Ermənistanı silahla təmin etməyə davam edir? Ermənilərə xas olan xüsusiyyətləri bir kənara qoyaq... Ən azı, rəsmi Moskva "barışıq" danışıqları fonunda mülki uçuşlarda "humanitar yardım" adı altında Ermənistana silah tədarükü ilə bağlı vəziyyəti aydınlaşdırmalıdır.