Prezident İlham Əliyev: "Vəzifəyə təyin edilmiş məmurlar xalqa xidmət etmək üçün vəzifəyə qoyulub"

Qobustan rayonu çətinliklə də olsa, arpa-buğda biçinini yekunlaşdırmaq üzrədir. Amma böyük nöqsanlar var. Kiçik torpaq sahiblərinin çox böyük əziyyət çəkdiklərinin şahidi oldum. Xilmilli kəndinin dağlıq sahələrində 2-3 ha sahələri olan kəndlilər sahələrini biçməyə konbayn və maşın tapa bilmirlər. Çünki 2-3 ha sahəni biçməyə heç bir texnika getmir. Vaxt itkisinə görə, yanacaq sərfiyyatına görə az sahələrə getmirlər. Lazımdır ki, əkin-biçin sıralamayla gedərdi. Belə olan halda heç bir kəndli narazı olmazdı. Həm torpaq sahibləri, həm də mexanizatorlar. Bir də ən əsas məsələ odur ki vəzifəli şəxslər, bələdiyyə sədrləri, icra hakimiyyətinin nümayəndələri kənd sakinlərinə heç bir köməklik göstərmirlər. Əksinə kəndlinin sahəsini zorla əlindən alıb,özləri üçün istifadə edirlər. Şahidi olduğum hadisədən biri də Şamaxı rayon Məlhəm kəndinin bələdiyyə sədri çox böyük sərvəti olan 4 adlı bir məmurla sizi tanış edirəm.
Hacı Məşədi Sultan Paşa. Çox aqressiv, vəzifə səlahiyyətlərini aşan, özünə arxayın bir məmur Osmanov Binəli Hüseyin oğlunun ailəsinə məxsus 2.5 ha torpaq sahəsini neçə ildir ki özü əkir, özü də biçir. Dəfələrlə müraciət etməyinə baxmayaraq öz bildiyi kimi edir. Amma lazımı orqanların köməyi nəticəsində 26.06.2020 tarixində sahənin 1.8 hektarını birtəhər, böyük səylərdən sonra mənim şahidliyimlə almağa nail olduq. 70 sotu isə biçməyə qoymadı. Hədə-qorxu gələrək, təhqirlərlə üstlərinə maşın sürərək sahədən qovdu.
Cənab Prezident İlham Əliyev öz çıxışında deyir ki, "Vəzifəyə təyin edilmiş məmurlar xalqa xidmət etmək üçün vəzifəyə qoyulub". Belə xalqa xidmət etmək olar görəsən. Hacı Məşədi Sultan Paşa cənab İlham Əliyevin qəzəbindən xilas ola biləcəkmi? Yəqin düşünməyə orda vaxtı olacaq. 4 adı gərək xalq sənə versin. O adlar ki, Hacı adını almaq üçün hər şeydən öncə insan olmaq, əxlaqlı, alicənab olmaq, kasıbkara yardım etmək, gənclərə nümunə olmaq lazımdır. Gəlib yoxsa kasıblara hədə-qorxu ilə,təhqirlərlə, maşınla sahədən qovmaqla yox! Çünki bu insanların qüdrətli Azərbaycan adlı güclü dövləti,səni cəzalandıra bilən cənab İlham Əliyev kimi prezidenti var. Mən inanıram ki, şahidi olduğum bu hadisəni DTX araşdracaq. Çox böyük sərvəti hardan əldə edən bələdiyyə sədri olan Hacı Məşədi Sultan Paşa cəzalandırılacaq.

İbrahim Qobustanlı
bölgə müxbiri