Bu gün təkcə Azərbaycandeyil, hətta dünyanın ən çox inkişaf etmiş ölkələri belə sosial-iqtisadi böhranın yaratdığı çətinliklərlə üz-üzədir. Bu baxımdan ölkəmizdə görülən işlər, xüsusən genişmiqyaslı sosial dəstək tədbirləri bir çox sosial resursları balanslaşdırır. Ölkə prezidentinin apardığı sosial islahatlar uğurla müşayiət olunsa da, ara-sıra məmur özbaşınalıqları dövlət fəyərlərini aşağılayır. Bu kodeksi Qobustan rayonunda da bu və ya digər şəkildə görmək olar.
Bilirik ki, əhali və onun strukturu ilə bağlı kəmiyyət və keyfiyyət göstəriciləri milli gücün əsas elementləridir və təbii ki, Azərbaycan xalqının genofondunun qorunması, miqrasiya və demoqrafiya kimi məsələlər milli təhlükəsizlik baxımından olduqca mühümdür və bu istiqamətdə ölkə rəhbəri cənab İlham Əliyev güclü islahatçı proqramlar həyata keçirir. Eyni zamanda, sosial-iqtisadi inkişaf yolunda əhalinin rifahının təminatı hər bir dövlət, o cümlədən Azərbaycan üçün əsas məqsəd hesab olunur. Bəs görək insan inkişafı və sosial-iqtisadi inkişafın qarşılıqlı əlaqəli olduğunu və bir-birini şərtləndirdiyini bəzi məmurlar hansı səbəbdən bilmirlər. Hansı ki, insan inkişafının demoqrafik aspektləri əhalinin sağlamlığı, reproduktiv sağlamlıq və digər geniş sahəli məsələləri özündə cəmləşdirir. Təəssüf ki, bu istiqamətdə məmr özbaşınalığı artan həddədir.
Qısası, hər ötən ildə qazanılan uğurlar növbəti ilin nailiyyətləri üçün zəmin yaratmalıdır. Bu istiqamət Qobustan rayonunda necə müəyyənləşir? Bir-iki fakta diqqət yetirək:
Etiraf edək ki, bu gün Azərbaycanın regionlarının yüksək inkişafını Qobustan rayonunda da görmək mümkündür. Rayon abadlaşır, inkişaf edir, yeni yüksəliş dövrünü yaşayır. Rayonun mərkəzində və kəndlərində görülən quruculuq işləri əhalinin həyat səviyyəsinin yüksəlməsinə təsir edir. Ancaq bir sıra hallar var ki, bu təsiri azaldır. Rayon əhalisinin ruh yüksəkliyini, işgüzarlığını daha da artırmaq üçün mühüm addımlar atılmalıdır.
Ölkə rəhbəri rayon ictimaiyyətinin nümayəndələri ilə görüşündə demişdir: "Qobustanda indi işlər yaxşı gedir. Burada kənd təsərrüfatının inkişafı üçün vəsait ayrılır. Sahibkarlığa Kömək Milli Fondunun xətti ilə kreditlər verilir. Bu gün yeni taxıl anbarının açılışında iştirak etmişəm. Tingçilik inkişaf edir. Burada kənd təsərrüfatının inkişafı üçün yaxşı imkanlar vardır. O ki qaldı infrastruktur layihələrinə, bu layihələr də icra edilir. Yollar çəkilir və çəkilməlidir. Qazlaşdırma gedir. Yeni qaz xətləri çəkilir, məktəblər tikilir. Burada insanların rahat yaşaması üçün lazım olan bütün işlər görülür". Məhz bu fikirlərə söykək olaraq deyək ki, Qobustanda hələ də həllini tapmayan problemlər var.
Rayonun əsas su selektoru hesab olunan Pirsaat çayında b ərbad vəziyyət yaşanır. Tullantıların çaya axıdılması ekoloji resursları da sıradan çıxarır. Çayın suyundan hətta heyvanlar belə içmir. Bu su belə demək mümküysə, suvarma işinə də yaramır.
Rayonun digər problemləri də həllini gözləyən əsas istiqamətlərdir və əmin olaq ki, rayon rəhbərliyi bu istiqamətdə əməli işlər görəcək.
Bəli, bir rayonun inkişafı əhalinin sosial istehsal dinamikasının dəyişməsindən çox asılıdır. Bu proses heç şübhəsiz, Qobustanda da dövrün tələbinə çevriləcək.

İbrahim Qobustanlı,
bölgə müxbiri