capar.info : - “Qadına münasibət insanın özünün mahiyyətidir. Şəms Təbrizinin bir sözü var: anlamayanlar üçün qadın nəfsdir, anlayanlar üçün nəfəs. Qadın mənim üçün sözün geniş mənasında həyatdır”.

Ölkə.Az-ın xəbərinə görə, bu sözləri professor, Əməkdar jurnalist Qulu Məhərrəmli telekanalların birində verilişində qonaq olarkən deyib. O bildirib ki, dünyanı qadınsız təsəvvür etmək olmaz:

“Söhbət təkcə evlənməkdən və yaxud da hansısa bir seksist baxışdan getmir. Qadının hikməti, qadının böyüklüyü var. Bizim mentalitetimiz üçün qadın çox fərqlidir. Bizim üçün qadın təkcə uşaqların anası deyil. Sözün geniş mənasında qadın namusdur. Qadın elin, obanın, ailənin çırağıdır. Qadın çəkdiyi əzabı xüsusən yuxusuz gecələr, uşaq böyütmək kişi işdən gələndə ona yemək ver və s. bu hələ məişətdə görünəndir. Geniş mənada dünya üçün qadının dəyəri çox yüksəkdir. Mən inanmıram ki, kimsə bunu qanmasın”.

Q.Məhərrəmli Xalq yazıçısı Çingiz Abdullayevin “kişilər xəyanət etsinlər, xanımları da onları bağışlasınlar” fikirlərinə də münasibət bildirib:

“Bizdə patriarxal düşüncəli kişi belə hesab edir və (eləməlidir də) kişi xəyanəti edib də. Bu cür yanaşırlar. Amma qadın xəyanəti fövqəladədir, qəbulolunmazdır. Niyə elədir? Mənim düşüncəmə görə ailənin namusu kişi deyil, qadındır. Ailənin çırağı, izzəti kişi deyil, qadındır. Kişilər güclü deyil. Məncə, kişilərin xəyanəti bir çox hallarda zəiflikdən qaynaqlanır. Heç bir xəyanətə - nə kişi, nə də qadın xəyanətinə bəraət qazandırmaq olar. Amma reallıq bir az başqadır. O mənada mən də Ç.Abdullayevin platformasında dayanan adamlardanam. Bu, təkcə kişi həmrəyliyi deyil, həm də həyatımızın reallıqlarıdır”.